قصيده على العراق العظيم

مو نفس الجرح بس نفس الالام
ساعة غيروهة شكثر ما فاد
الساعة تغيرت بس نفس الايام
بعهد السابق جامي البيت مكسور
او منل البرد ليلك ما تنامة
هسة البيت زين او صار بي جام
بس كلب العراق انكسر جامة
شمالك وجهك اصفر يا عراق شبيك
او بالنهرين انتة شبيك مو راوي
حقكك وجهك اصفر حقكك تخاف
جفوف اهلك لونك بعد شتلاوي
موجوعين جنة او هسة موجوعين
او موجوع الدوة جا بيمن انداوي
كلت ماكو وعي او حتة عن او صار
مابي عافية او لا حيل بي خاوي
كالة مو سوة والشعب موديلات
دورت الشعب نفس الشعب عاوي
مو زرقاوي واحد يا عراق اذاك
تلث ارباع شعبك زرقاوي
او مو وضع الشعب مأساوي لا والله
بس هو الشعب مخلوق مأساوي
يلتصلي تحوسم ليشلنة ايكول
احوسم مستحب بس كون سكتاوي
او يكلي لن الاعمال بالنيات
وانة صح حوسمت بس ما جنت ناوي
او يكلي حوسمت بس حوسمت مجبور
او على الاحوط يجوبن جي جنت خاوي
او هسة انتة مو داوي بفضل الامريكان
بس هسة اندفت بالجية والروحة
شنهي الفايدة يا شعب تصعد فوك
او عزت نفسك اعلى الكاع مطروحة
او شنهو الفايدة بيدك الف قناص
او ما تعرف منو اليستاهل تلوحة
يل سمونة ولد الملحة انة اوياك
صارت ماصخة جا وين الملوحة
ربك عندة لوح ايسجل المخلوق
محشوم هذا الشعب بس ما سجلة بلوحة
اذا رايد طروحة اتذل او نفاق او بوك
من هذا الشعب اخذ احسن اطروحة
هم شايف شعب من عمرة ضل ايبوك
مجروح او يبوك الدوة امن جروحة
اطفال اشكثر متمرجحو بالعيد
والدهم طلع بايك المرجوحة

[ندعوك للتسجيل في المنتدى أو التعريف بنفسك لمعاينة هذا الرابط]

حبيبي شكرا للموضوع الرائع

» قصيدة من الغربة الى العراق
» ماخذ وياي العراق بجنطة
» قصيده عن الحريه
» واحد من كثر ميحب الكهرباء كتب عنها قصيده
» هل العراق بلد اشقاق والنفاق