منتضر- بلابوش

هلاو حبايبي جبتلكم خاطرة اسمه منتضر - بلابوش وراح تلاحظون التبعثر بالكتابة لانها خاطرة ممبعثرة :-

1 بلابوش

وداديات

خواطر مبعثرة

احبائي اصدقائي 15-1-2009

تعلمون من اني لست شاعرة ولكن تدور في ذهني خواطر فارسمها بذهني كما ارسم لوحاتي ولما تختمر اكتبها قد تُعجبُ البعض وقد لا تعجب الاخرين هذا انا فالذي يعرفني يتقبلني كما انا وشكرا

ودادالاورفه لي

++++++++

مُنتظر الزيدي صُحفي عراقي مثقف قام برَمي حِذائه على رئيس أكبر دولة في العالم

( بلابوش ) 1

عفوا أقصد

( بوش )

بتاريخ 15ديسمبر2008

أفرَحَ مُنتظر الزيدي الكثيرْ من العالمْ إلا القِلة ألقليلة التي إعتبرت ْهذا عمل مُشين بينما بوش نفسه قال(هذا ثمن الحرية ) فلماذا إذن نحاسب مُنتظر

2

هذه أحد مُكتسبات الديموقراطية أليس كذلك ؟ التي زمّر بها وطبّل لمْ يُطبقْ منها شيىء سوى الحُرّية ( فهو عفى عنه) وعلينا ان نعفو نحنُ عنه أيضا

( القاضي راضي المُفتي شعْلية )

++++++++

سألته

+++

يا مُنتظرْ ليش إضربتْ اوهيجي إتصرفتْ ؟؟؟؟؟؟

(فاجاب )

تسالون ليش إضربت؟ بوش او هيجي إتصرفت ْ

( إسمعوا )

====

فشيّتْ كَلبي لو عِندي عشرة بعدْ إضربت ْ

مجروحْ مِنكْ يا مُجرم كُلْ إلعراق دِمْرِّتْ

ما خلّيتْ بيهة إنت وَ بو ك سعْفة ما إحرِكِتْ

حتى إلسِمَج بالشطْ لحمْ إلعراقي وِكّلِتْ

آني السويتة إلكُلْ مُخلص ْعِراقي مِثلّت ْ

يا حيف لا ألاولى ولا إلثانية بلراس ْ هَدّفِتْ

3

ما عندي غير إلقلم وألِفْ مَقالة كِتَـبِتْ

إلكُلْ يحْجي جِذبْ ما فد يوم بيهم صَدّكِتْ

إلسمْيته بلابوش من شِفته مَ تْحملِتْ

كامْ يهْذري جَمْ دوبْ نِسمعْ جِذبْ وتِعّْصّبتْ

إتعوذِتْ من الشيطانْ وعدّيتْ للمليونْ اُوصَلِتْ

فار دَمّي إشلونْ أسِكْتة إنزِعِتْ إلحذا وِشْمَرِتْ

+

ملعونْ إلصَفْحة نَصّة راسة بسْ ما هدّفتْ

متأكد إلكُل فرْحوا مِثِلْ ما آني إفْرَحِتْ

هُمّة خافوا شافوني مِيةْ ضِرْبة إنضربتْ

ذَبيتها ع الساطورْ وكسْرّوني وأبد ما إندمتْ

ادري إ لسويتة عيبْ بَسْ مِنْ شِفته مَ إتحملتْ

ما خَلاّنة نِرْتاحْ لا إنتوا ولا آنة إرْتحِتْ

حتى إلإجوا وياه ما ِوفة وياهم شِفتْ

إنتَ يابوشْ أكو بيت بالعراق ما يتّمتْ

أكو حُكومَة بالعالمْ عَليهة ما إضحكِتْ

أكو خِطابْ ذِعته فَدْ يومْ بالخير موعَدِتْ

مِلياراتْ للتعميرْ بنادي باريسْ وقعّتْ

4

نِطّيكمْ ونِطيّكمْ بَسْ إنتِ وربْعَكْ إلْفَطِتْ

كُلْ حَجْيكْ اوعودْ وجِذِبْ وبْعُمرَكْ ما طَبّقِتْ

اُو كُل شعوب إلدنية إنت ِ وحْدَكْ مَزّقتْ

خُصوصاً بِلعراقْ إلأُخوة بينهُمْ فَرّكَتْ

والطائفية الله وأكبرْ إشكدْ حاوَلَتْ

هذا شيعي وهذا سِني بالتفرقة مْ إنجَحِتْ

ذاك مَسيحي وهذأ مسلم بس أبد مَ إكدرت

أكثرْ مِنْ خمْسَة ْ مَلايين ْ عِراقي هَجّرتْ

والساكِن بلعراق هَجّجِتْهُم أو بَهذَلِتْ

==

اوفيشْ فَشّيتْ كَلُبْ إلعالمْ كُلهُمْ مِن ْإضربتْ

لو إلويايْ إمْشاركيني ؟ كُلْ إلدِنية فَرّحِتْ ؟

وِتلْمْوني آني لَيشْ هلْ بلا بُوشْ إضربتْ؟؟

( إسمعوا )

فَكّيتْ عيني بالحُروبْ آنا ورَبْعي إتجّندتْ

تدْريبْ إلصُبُحْ و خَفارَة بالليلْ إتبهذلتْ

بعد ما عِرفِتْ إلحياة ولا فَدْ يوم ْ إحلمتْ

بلا زواجْ ولا ولدْ يحْمِلْ إسمي إتدمرتْ

5

هسة بالمرجوحة وآنة وياكم إتمرجحتْ

++

قَلَمي زَهَكْ اوتعبْ وانة همْ إزهَكتْ

كُل صُحفْ إلعالمْ كِتبْتْ موبَسْ آني إكتبتْ

هُمّة ما يكدرون باصمين ْ وآني أبدْ ما إبصمتْ

++

نِسيتوا أبوه إشْسّوة دٍمّر نة وإتدمرتْ

منِ دخّلنة للكويت وية ربْعي إجندتْ

لا دَرِسْ لا عِلم لا فِهِمْ والله إتمرْمَرِتْ

اُمي نِصحـْتني أتزوجْ بنتْ عمك إفرحتْ

ويجيكْ ولدْ نِفرَح بيه والرادِتة طَبقتْ

حظ ما عندي آني و شباب العراق دمّرِت

بليلة إلدَخلة صِدَر بيانْ إلتحقوا إلتحقت

++

وبعدة جِبِتْ إلحِصارْ و شعَب إلعراقي جوّعتْ

نوة ونشارة بالطحين أكلتوا وأكلتْ

نسيتوا إشلون إلبيض سنين لا ظكتو ولاضِكتْ

وراتبنة دولارين إشلونْ إنعيش إتحيرتْ

6

بالليل نتكَلّبْ من إلجوعْ لا نِمتوا ولا نِمتْ

سيدْنة علي كَال الجوع لو رَجّالْ إكتلتْ

ليش تلوموني حتى ذهب مرتي بِعِتْ

ما ضَلْ عندي شِيْ حتى شَبابيكْ بيتي إشلعت

جبَرتوا إلناسْ يمْدّونْ إيدهم على غيرهم شِفتْ

وَ شوفْ العِراقي شِلونْ دايخْ بعيشتة دِخِتْ

قلَمي و أقلامْ إلعالمْ كِتبوا وإكتبتْ

سِنينْ نِسمعْ جِذِبْ ووعود ولغوة ما إتحملتْ

+++++

ب 2003 جيت إمْحرِر هيجي كِلتْ

حجْيك مُطر صيفْ طِلَعْ جاي علنفطاتْ و إهجمتْ

و طْفيتْ إلكهرباءْ و إلمؤسسات إحركتْ

وبدة إلبوكْ وإلنهبْ حتى إلمتاحفْ إسركَتْ

ما بقة شي بالعراقْ ما هِجمْته وإهدمتْ

بقَتلْ الناسْ إشتَغلتْ موَتّتِنة إرتعبتْ

وطْفيتْ إلكهربا جم مرة آني إاتعثرتْ

لا ماي صافي نِشرب مِثل ألاوادِم إتمرضتْ

7

سيدنة آيوب كلي يا ولدي اُصْبُرْ وصْبّرتْ

خمسة وعشرين مرّة إلكربلا وللنجف زِرتْ

حجّيتْ بيت الله وبكَبر إلنبي محمد جّلبِتْ

حتى للكنيسة على سِتنة مَريمْ رِحتْ

++

رِجلي سافتْ ما خلّيتْ درْبونة ما دوّرتْ

على شغْلة أوكل أهلي ماتوا جوعْ إتبرْدَ كِتْ ( 2)

جم مرّة برطلوني بفلوس آني إرفضتْ

مراتْ ومراتْ حاولوا ويايْ أبد ما خِنِتْ

=

آنا إبنْ دِجلة والفُراتْ أبدْ مَ إنحرفتْ

مو إرهابي أحِمدْ الله وطني إنسجنت

كسْروني نعْنعوني والله أبد ما إندمتْ

عِجْزت أوراقي اوخلص حبري و ما قَصّرِتْ

آني أكول

===

يا مُنتَظر كُلْ عِراقي شرِيف إنتَ مَثّلتْ

وبشهرْ ديسمبَرْ ثورَة ْ ألثوراتْ سجّلتْ

8

بِحذاكْ يامُنتظرْ مُجرِمْ إلحروبْ أدّ بتْ

وإلتاريخْ ما ينساكْ أولْ سابِقة سِجّلتْ

تمثالْ إلكْ بمتْحَفْ الشمِع شوفة إ ن رحتْ

بَسْ ما جِنتْ خوشْ هدّافْ وإلشغلة ما إضبطتْ

لو شوية إمنّصي إيدَيكْ أحسنْ هَدَفْ هَدّفتْ

==

لو إشوية منصي إيدك أحسنْ هدَفْ هدّفتْ

+++++++++++++++++++++++++++++++

المصادر

بلابوش

1-= بوش اصل الكلمة ارامية وتعني الحياء

وبلا بوش معناها بلا حياءاو قليل الحياء او الخفر وكلمة بلا بوش تقال للشخص القبيح اي (بلا حياء )والكويتيون ما زالوا يقولون ( جليل الحيا)بنفس المعنى اما البوشي فهو النقاب

2- اتبردكت =

وتعني باللغة العامية العراقية تعذبت او تمرمرت

تقبلو خاطرة من خواطر العراقين

وربي شعر يخبل
وعاشت ايد النقل هيج موضوع

يسلم الي نقل الموضوع وربي يخبل

يسلمووووووووووووووو وردة على المرور

[b]واللة شاعر ........(( بس كلماتك جاية عالدبابة ))
تحياتي
كلماتك مرحة وتستاهل نقولك تسلم ايــــــــــ
.........ـــــــدك[/b lol!