قصيدة رائعة تروي حياة الانسان العراقي..........تعالوا

[size=21]عشنه عله الأمل والقال والقيل

أو كتبنه أمن الصبر بسته أومواويل

فتحنه كلوبنه للراح والجاي

نضحك من غصب ودموعنه إتسيل

توسدنه الحزن بفراش الهموم

وكح طبع الوكت بجروحنه أيعيل

تعودنه أعله جلمة باجر أتهون

أو كضينه أعمارنه أبذل أوتواسيل

نعاين بالبيادر طا حت إطيور

ودينه أمخردله إبفر المحاجيل

بات أوبيه عاثت سود غربان

أبو ذراع الطويله اليكدر أيجيل

تضعضعنه أو بعد ما نكدرأنكوم

ودينه ملطخه أبدم المجاتيل

طرحنه أتفاكنه أونمنه علىالتراب

أونصيِّح يا وكتنه أدخيلك أدخيل

راضين إبخبزنه إنغمس إدموع

وِذا رايد بعد عن دارنه إنشيل

نطيعك يا وكت بس كول شتريد

لأن عندك عقل واحنهالمخابيل

[/size]

الله الله هاي شنو سفاح كلمت رائعة والله

تقبل مروري خيو

عطرتو صفحتي بمروركم