ودعونـــــــــــــــــــــــــــــــــــــــه

ودعونه وبجت بفراكَنه المحطات

وبجـت علي من شالتهم الخطوات

موذني بـس مجبورين اعله الفراكَ

حمامه جنت وهسه بلايه جناحات

ودعونه وبجه اعله سهري الليل

موجني ودعتهم احس بالكَلب مات

واحس عيوني خذاهه مني الشوكَ

واحس روحي معلكَه ابلا حيــات

ودعونه وبفراكهم مشتعله روحي

ودمعي طفح ولفهه الحزن ضحكَتي

واسنيني ابلا ذنب شابت من الشوكَ

وعليهم تهمل دمع صارت فرحتي

والبسمه رسمهه حزني بقلم موجوع

وصرت من اكَوم عثر بيهه دمعتي

صوركم راسم كلبي بيهه الشوكَ

بس وينــكم وشبيدي اعله قسمتي

سهرانه روحي وحار بيهه الليل

وتحزن الفرحان صارت صفنتي

ومن دمعي لو شرب يرتوي الليل

وتشعل الاخضر صارت حسرتي

ودعونه ولبعيد نقلتهم المحطات

خذوا روحي واكَلهه وين جنتي

اعزف ياناي ولاترحم بالكَلوب

بعدهم شفرح وشلي انـي بدنيتي

حمامه ابـلا جنح ماتـكَدر تطيــر

وابلا شجرتظل محرومه العصافير

شجــره كَلبي وينثرهم ورد دوم

بس ياحيف بعدهم باكَته النواطــير

عاشت الأيادي شو هل الشعر روعه

شعر كلش حلو وعاشت الايادي لكن بيه حزن كبير ونشكركم على التواصل على منتديات الجنرال

سفاح الحب كتب:: عاشت الأيادي شو هل الشعر روعه

نوووووورت الموضوع بتواجدك

الله يزيدج نايت يارب
موفقة
بس مو بجت